بســـم الله الرحمـن الرحيـم
منـ فتره وصلنى التاج ده من بنت عمى داليا >> قوس قزح
وبصراحة كنتـ متردد انى انزلو ولا لاء
بس الحمد لله قررت اخيرا انى انزل التاج واحاول اجاوب على اسألتو الجميلة
ربنا يقدرنا بقا ونعرف نحل ونجيب مجموع
يلا ناخد نفس عميق ونبتدى
منـ فتره وصلنى التاج ده من بنت عمى داليا >> قوس قزح
وبصراحة كنتـ متردد انى انزلو ولا لاء
بس الحمد لله قررت اخيرا انى انزل التاج واحاول اجاوب على اسألتو الجميلة
ربنا يقدرنا بقا ونعرف نحل ونجيب مجموع
يلا ناخد نفس عميق ونبتدى
أذكر 5 أحلام تخص ماضيك كنت هتتخلى عن إيه فيها و هتتمسك بإيه لحد دلوقتى
من صغرى وانا بحلم ان والدى يكون عايش معانا فى مصر .. مش فى بلد تانية كتير كنت بشوف اصحاب ليا وابهاتهم بيزعقلهم لما يتأخرو او يعملو حاجه غلط كنت بتمنى اعيش احساس الخوف من الاب اعيش لحظات حنانو ولحظات خوفو عليا ولحظات غضبو منى لما اغلط .. الحمد لله الحلم ده بيتحقق بس على فترات يعنى زيارة كل كام سنة على الماشى اخرها كان من 6 سنوات بس انا عارف ومقدر ظروف شغلو وانو بيعمل كل ده علشانا احنا
حلمى التانى كنت بتمنى انى اكون ظابط شرطة والبس البدلة البيضة والناس بقا تقول سعادة الباشا راح سعادة الباشا جية ههههههه .. وفى بداية دراستى كنت بعمل كل ما فى وسعى علشان الحلم ده بس شوية بشوية الحلم ابتدى يختفى من حياتى لدرجة انى بقيت اكره ظباط الشرطة
ساعات بقا تلاقى مخى لسع واحلم احلام اليقظة الى تودى فى داهية دى واتخيل نفسى حاجه كبيرة اوى رئيس جمهورية مثلا وساعات لاعب كورة حريف اوى وشوفت نفسى كتير وانا شايل كأس العالم وعيشت احساس الفرحة وانا بلف بية الاستاد .. وساعات اتخيل نفسى وانا واقف على مسرح دار الاوبرا وبغنى مع محمد منير اغنية لو بطلنا نحلم نموت والجمهور كلو بيسقفلنا ويغنى معانا ....
فى بقا حلم شبح حلم داليا بالظبط حلم طقية الاخفا مش مهم طقية كنت بحلم بأى حاجه تخلينى اختفى انشالة اقوم من النوم الاقى نفسى مختفى لوحدى وكنت بتخيل اشخاص معنية وانا بجننهم .. وطبعا ساعاتها بقيت غنى اوى وبقا معايا فلوس كتير .. محدش يسألنى بقيت غنى ازاى اسألو توفيق الدقن فى فيلم طقية الاخفا
باقى الاحلام كلها عادية .. فيها شوية هبل على شوية جنان وميمنعش ان فيها احلام عاقلة وممكن تتحقق لو ربنا اراد
أذكر خمس أحلام تخص مستقبلك و ما تتمناه منه
اتمنا انى اقرب من ربنا وانى ابتعد شوية عن حاجات غلط بعملها
اتمنى انى اسافر ايطاليا واشتغل هناك ويمكن احقق حاجه من الى مقدرتش احققها هنا
اتمنى انى اتجوز انسانة صالحة تحبنى واحبها ونكون اسرة صغيرة انا وهى
نفسى حال البلد دى يتعدل شوية واشوف مصر والمصريين فى مكانة احسن من كده وترجع للناس كرامتهم وحقوقهم ويبعد عنهم الخوف ...
الامنية الاخيرة هسيبها للمستقبل يمكن تتحقق حاجه انا مكنتش حاطتها ضمن احلامى وتكون احسن من كل احلامى
أذكر شخصين - على الأقل - متواجدين فى حياتك كنت تتمنى وجودهم من قبلهم
انسانة بحبها من كل قلبى ... كنت اتمنى وجودها فى حياتى من زمان يمكن كانت حاجات كتير اتغيرت
المدونة والانتر نت بشكل عام .. اتعلمت من هنا حاجات كتير يمكن مكنتش اعرفها واتعرفت على ناس اكتر كنت اتمنى انى اعرفهم من زمان
المدونة والانتر نت بشكل عام .. اتعلمت من هنا حاجات كتير يمكن مكنتش اعرفها واتعرفت على ناس اكتر كنت اتمنى انى اعرفهم من زمان
أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك
عمتــــى اكتر انساسنة بحبها فى الدنيا هى الى ربتنى ... وكنت اتمنى انها تكون موجوده فى حياتى لأخر العمر
الله يرحمها اكيد هى فى مكان احسن من هنا بكتير
والدى اتمنى ان هو يرجع ويعيش معانا ويبطل سفر ويعوض الى فاتو من تربيتى فى تربيت اخواتى الضغيرين
واولادى كمان لما ربنا يريد ويكون عندى اولاد
هناك 31 تعليقًا:
ما انت شاطر طيب اهو و عارف تجاوب و تجيب مجموع كمان :)
بس عارف انت ناصح و عملت حسابك و سيبت حلم احتياطى لبكرة
ربنا يرجع والدك بالسلامة و يشوف اولادك و يزعق فيك علشانهم لحد ما تقول خلاص توبة اتمنى و احلم انه يزعق فيا :)
ربنا يرحم عمتك و يدخلها جناته برحمته ان شاء الله
و حلم الاخفاء ده ناس كتير مشاركنا فيه ، شكلنا فى الاخر كلنا هنختفى و منلقيش حد نجننه :S
كل تاج و انت طيب
بنت عمى القمر
ميرسى ليكى على التعليق العسل ده
والحمد لله ياستى انى جبت مجموع
بقا يابنت بتدعى عليا انا ابويا يفضل يزعقلى علطول لية هو هيرجع للشط وبس هههههههههههههههههههههه
اسمحلي ابدي اعجابي الشديد جدا جدا بانتماءك للنوبة وبمدونتك الجميلة .. أنا بالمناسبة رحت أسوان مخصوص علشان أعرف تاريخ النوبة من أوله لحد ما قدرت وقعدت 8 ايام ما بين قرى التهجير والجزر وأبوسمبل والمتاحف وكلمت ناس كتير جدا نوبيين وأسوانية ، وبصراحة أنتم فعلا من صنع التاريخ .. شكرا لك على هذه المدونة
جميل اوي الكلام اللي انت كتبه ده واتمني من ربنا يوفقك وتحقق كل احلامك اللي فاتت ومالحقتش تحققها واللي جايه بما فيهم الحلم اللي لسه مش عارفه واتمني انك تكون من اسعد ناس في الدنيا
snowhite
ميرسى ليكى يا قمر
على التعليق الجميل والدعوات الحلوه
تحياتى ليكى
مقاومة
انا مش عارف ارد بأية
بجد تعليق تحفى فرحنى كتير اعجابك بالنوبه واهل النوبة
ان شاء الله تروح اسوان تانى وتالت
تحياتى ليك
بحلم وياريت ياريت احلامى تبقه حقيقه بحلم بحلم ببيت اشوف نفسى فيه ويا القمر بحلم ببيت اشوف حبيبى فيه جوا القمر حبيبى ينوبى انتا واحلامك اشطى يمان متيجى نحلم بقه ....
بحلم وياريت ياريت احلامى تبقه حقيقه بحلم بحلم ببيت اشوف نفسى فيه ويا القمر بحلم ببيت اشوف حبيبى فيه جوا القمر حبيبى ينوبى انتا واحلامك اشطى يمان متيجى نحلم بقه ....
أحلى ما في التاج احلامك
تحفة تحفة طفولية تلقائية بسيطة لذيذة ودمها خفيف
بتحلم تشيل الكاس وتجري بيه؟؟ وماله هههههههههههههه
مين عارف،، قول بس يا رب
مها ميهوووو
لبستنى التاج ياريس
هقول ايه ربنا يسامحك
مقبوله منك ياباشا
.......................
عايز تبقى رئيس جمهوريه
بكره هتلاقى نفسك مسحوب من افاك
عشان تبطل تحلم
لا تبطل تشغل مخك وتفكر كمان
ادم المصرى
قد اية تعليقك جميل يا ادوووم
تسلم ايدك علية
وان شاء الله هنحلم مع بعض اومال اية مش احنا اصحاب وجيران من صغرنا
مهــــا
ازيك ازيك ازيك بقالك كتير مش بتدخلى هنا وحشتنى تعليقاتك كتير
والله ياقمر بقول يارب يمكن اصحى من النوم الاقى نفسى مرادونا العرب ولا حاجه
فـــارس النوبة
حبيب قلبى
اى خدمة اهو لبستك تاج وهخليك تحلم وتعرفنا احلامك
وفيها اية ياعم لما ابقى رئيس على الاقل هدلعكم وهرقصكم على واحده ونص
مساء العندليب :)
واضح من اجاباتك و من جو المدونة ع العموم انك معتز اوى ببلادك
تحياتى
أحلام نابعة من قلب طيب
قلباً يملئه الأمل
أحاسيس مليئة بالذكريات الجميلة
أسجل إعجابي بحرفك
تقبل مروري المتواضع
كما أود أن أشكرك على مرورك بمدونتي المتواضعة والذي أتمنى أن يتكرر
Angel Love
عاليا عندليب
مساء العندليب على عيونك يا قمر
اولا انا بشكرك كل الشكر على تعليقك ومرورك الجميل
ثانيا احب اقولك ان كل واحد بيحب بلدو وبيحاول يعبر عن الحب ده بطريقة معينة تخصو وانا الشغل الى عاملو فى المدونة تعبير بسيط جدا على حبى الشديد لبلدى
تحياتى ليكى ياقمر واتمنى ان زيارتك تتكر كتير
انجل
مش قادر اقولك قد اية تعليقك ده اسعدنى وافرحنى
انا بشكرك من كل قلبى على التعليق الجميل
واتمنى انك تشرفى مدونتى دايما بالزيارة
اجاباات اخر تمامووز
على اد بساطتها على اد عمقها
وجمالها
تحيااتى لييك
وربنا يحققلك كل احلامك
سلااام
تاج الاحلام
جميلة هى جداا كلماتك
واحلامك
الله يوفقك وتحققها يارب
جامد الاجابات ياعمور
وحلم محمد منير ده عجبني قوي
تحياتي
يعنى مش عيب الواحد يبقى داخل ينام يلاقى تاج فى وشو كدا
وكمان اول اسم انا
حاضر هنجاوب
وبعدين مين دا الى يمسك رئيس جمهوريه دا تبقى معجزه هتخرب الدنيا خالص
وربنا يرجع باباك بالسلامه
يلا اشوفكو فى البلوج عندى فى التاج الى باعتهولى عمرو النوبى
فاصل ونواصل
اميرة الرومانسيه
مبروك على التاج الجميل اخى الفاضل
وإجابتك الأجمل
عجبتنى اوى الجملة دى
-------------------
الامنية الاخيرة هسيبها للمستقبل يمكن تتحقق حاجه انا مكنتش حاطتها ضمن احلامى وتكون احسن من كل احلامى
فعلا ده بيحصل كتير الحمد لله
ربنا يحققلك كل احلامك ويرزقك بكل الحير اللهم آمين
دمت بخير اخى الفاضل
سالى
ربنا يحقق كل احلامك
بس ليا عندك طلب
المدونة بتاعتك تقيلة هنجت لى الجهاز
حاول تخففها شوية
اعمل لها ريجيم
تحياتى
الله تاج جميل قوى
وعجبنى قوى ان اول حاجه قولتها ف سؤال نفسك ف ايه
انك قولت نفسى اقرب من ربنا اكتر
ربنا يحققلك احلامك يا رب
بوست جميل
احييك
ايه بنت العم قوس قزح امممممممممممممم
طيب
ربنا يحقق لك احلامك يا رب يا عمرو
عووووووووووووووووووووووووووو
انا جيت
اتخديت
...............................
اذيك ياسعدة الباشا عاملة ايييييييييييييييييية يارب على طوووووووووووووول بخيررررررررررررر
يا احلى نوبى.....اجابتك عسل وخصوص بتاعت بابا...والشرطة...ومحمد منيررررررر...بجد ياعمورررررررررررة عسسسسسسسسسسسسسسسسسسل...
والتاج دة بتاعك وبس ههههههههههههههههههههه....طلب صغيورررررررررررررررر ونبى خفف الصور شوية الان بجد الايام دى النت ميت دة انا والله نزلت بوست جديد بالعافية وقلت اعدى على عمورة احلى نوبى...خفف الصورررررررررر....باااى
الله الله الله الحقوا ياولادده انا خدت الجنسية النوبى ايه السرعه دى ...
يااااااااارب اعرف اتكلم نوبى علشان محدش من اللى بالك فيهم يفهم انا بقول ايه...
بجد تاج جميل اوى
ربنا يحقق لك كل احلامك
بس بقه عندى طلب صغيوووور ااااااااااادكده
رجاء العوده الى مقر شركتنا علشان مش عارفه اقرا التعليق خااااالص
لك خالص تحياتى وتقديرى
بالرغم اني قريته مرتين
قبل كده ودلوقتي
انما هعلق بعدين
مشغول وحياتك مشغول
سامحننننننننننننننني
وش مكسوووووف
الحمد لله يا ابو عميرة إنك خلعتنى من التاج ده
أصلى بصراحة الإجابات دى بتاخد منى وقت جامد أوى
و أخوك وقته ضيق أوى لدرجة إنى بافكر أديه لواحد نحيف عنى..
ههههههههههههه
ربنا يحققلك كل أحلامك
دمت بخير يا جميل
إنت و النوبة كلها
الله الله
احلامك جميله اوي
خصوصا لما تختفي هههههههه
اشمهنى ايطاليا اللي نفسك تسافر لها؟؟؟
عارف ممكن نحلم ونحلم ونحلم
حلم يصيب وحلم يخيب
بس الاهم منبطلش نحلم
ربنا يكرمك ويسعدك وتشوف كل اللي بتحبهم حواليك دايما
وتسعدهم ويسعدوك
واشوف عيالك كده
واشوفك في احسن حال
أزيك عمرو
أخبارك ايه ؟؟ أتمنى تكون بخير
أنا في انتظار موضوعك الجديد
وأتمنى تنورني وتقولي رأيك في موضوعي الجديد
أختك
Angel Love
إرسال تعليق