احببت الحزن ولكن !!!!

احببت الحزن!! نعم...احببته!! فقد اصبح جزء من كياني اداعبه احياناً واغضب منه تارةً ولكن ..مهما غضبت منه يبقى في ذاتي ..لا يفارقني ابداً اعتدت عليه ..واعتاد عليَ اصبحت استنكر غيابهُ!! ...لكن لا يهم!! فقد تعودت على الظلم!! وقد اخذت جرعة مضادة عنه!!..لم يعد يهمني شيء!! قد تقولون انني فقدت الاحساس والمشاعر!! ربما!! نعم ..ربما!! لكن بعُرفِكُم!! لم ابحث عن الحزن لم احبه يوماً هو من بحث عني هو من عشقني لكن..!!..لن ألومه ابداً!! لانني استسلمت له! تركت نفسي له! لم اُقاوم تياره لم اكن قوي نعم لم اكن قوي!! لست معدوم الاحاسيس والمشاعر كما تظنون!! لا...لا...لايمكن!! فمن يخط الهمسات ..ومن يعشق القلم..ويحتضن الورق..ويهمس للقمر مستحيل ان يتجرد من احاسيسه ومشاعره!! لكن..!!..لكن..!! واقولها بكل صدق وأمانة انني احاول دائما كتم انفاس تلك الأحاسيس!! واسكات تلك المشاعر!! لانني ..لا اريد ان انثر الحزن في القلوب الصافية..الطاهرة..ال سعيدة!! سأدعها تهيم في سعادتها ..وهنائها .. لن اسمح للحزن ان يدخل تلك القلوب!! يكفي ما بي!! يكفي مابي!! يكفي ما بي!!

اغــــار مـــن كـــلــمــاتـــى

اغار من كلماتى حينما اهديها ليكى000000 فتعجبكى كلماتى ولا اعجبكى انا

اغار من كلماتى لانها تصل الى قلبك 000000ولا اصل انا

اغار من كلماتى حين ترددها شفاهك000000وتنسينى انا

اغار من كلماتى رغم انها جزء منى00 نبضاتى 00 افراحى 00احزانى 00 بقايا من ذكرياتى00

جمعتها ورتبتها ولونتها واهديها لكى00

اما ان تقبلينى معها او تأخذيها بمفردها وتتركينى فى غيبوبه لا افيق منها000

تعلمين لماذا ؟

لانى كنت اكتب كلماتى بقطرات دمائى0000

تاجى انا وبـــــس

بســـم الله الرحمـن الرحيـم



منـ فتره وصلنى التاج ده من بنت عمى داليا >> قوس قزح
وبصراحة كنتـ متردد انى انزلو ولا لاء
بس الحمد لله قررت اخيرا انى انزل التاج واحاول اجاوب على اسألتو الجميلة
ربنا يقدرنا بقا ونعرف نحل ونجيب مجموع

يلا ناخد نفس عميق ونبتدى

أذكر 5 أحلام تخص ماضيك كنت هتتخلى عن إيه فيها و هتتمسك بإيه لحد دلوقتى

من صغرى وانا بحلم ان والدى يكون عايش معانا فى مصر .. مش فى بلد تانية كتير كنت بشوف اصحاب ليا وابهاتهم بيزعقلهم لما يتأخرو او يعملو حاجه غلط كنت بتمنى اعيش احساس الخوف من الاب اعيش لحظات حنانو ولحظات خوفو عليا ولحظات غضبو منى لما اغلط .. الحمد لله الحلم ده بيتحقق بس على فترات يعنى زيارة كل كام سنة على الماشى اخرها كان من 6 سنوات بس انا عارف ومقدر ظروف شغلو وانو بيعمل كل ده علشانا احنا



حلمى التانى كنت بتمنى انى اكون ظابط شرطة والبس البدلة البيضة والناس بقا تقول سعادة الباشا راح سعادة الباشا جية ههههههه .. وفى بداية دراستى كنت بعمل كل ما فى وسعى علشان الحلم ده بس شوية بشوية الحلم ابتدى يختفى من حياتى لدرجة انى بقيت اكره ظباط الشرطة



ساعات بقا تلاقى مخى لسع واحلم احلام اليقظة الى تودى فى داهية دى واتخيل نفسى حاجه كبيرة اوى رئيس جمهورية مثلا وساعات لاعب كورة حريف اوى وشوفت نفسى كتير وانا شايل كأس العالم وعيشت احساس الفرحة وانا بلف بية الاستاد .. وساعات اتخيل نفسى وانا واقف على مسرح دار الاوبرا وبغنى مع محمد منير اغنية لو بطلنا نحلم نموت والجمهور كلو بيسقفلنا ويغنى معانا ....




فى بقا حلم شبح حلم داليا بالظبط حلم طقية الاخفا مش مهم طقية كنت بحلم بأى حاجه تخلينى اختفى انشالة اقوم من النوم الاقى نفسى مختفى لوحدى وكنت بتخيل اشخاص معنية وانا بجننهم .. وطبعا ساعاتها بقيت غنى اوى وبقا معايا فلوس كتير .. محدش يسألنى بقيت غنى ازاى اسألو توفيق الدقن فى فيلم طقية الاخفا


باقى الاحلام كلها عادية .. فيها شوية هبل على شوية جنان وميمنعش ان فيها احلام عاقلة وممكن تتحقق لو ربنا اراد

أذكر خمس أحلام تخص مستقبلك و ما تتمناه منه



اتمنا انى اقرب من ربنا وانى ابتعد شوية عن حاجات غلط بعملها


اتمنى انى اسافر ايطاليا واشتغل هناك ويمكن احقق حاجه من الى مقدرتش احققها هنا


اتمنى انى اتجوز انسانة صالحة تحبنى واحبها ونكون اسرة صغيرة انا وهى


نفسى حال البلد دى يتعدل شوية واشوف مصر والمصريين فى مكانة احسن من كده وترجع للناس كرامتهم وحقوقهم ويبعد عنهم الخوف ...

الامنية الاخيرة هسيبها للمستقبل يمكن تتحقق حاجه انا مكنتش حاطتها ضمن احلامى وتكون احسن من كل احلامى

أذكر شخصين - على الأقل - متواجدين فى حياتك كنت تتمنى وجودهم من قبلهم

انسانة بحبها من كل قلبى ... كنت اتمنى وجودها فى حياتى من زمان يمكن كانت حاجات كتير اتغيرت


المدونة والانتر نت بشكل عام .. اتعلمت من هنا حاجات كتير يمكن مكنتش اعرفها واتعرفت على ناس اكتر كنت اتمنى انى اعرفهم من زمان

أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك

عمتــــى اكتر انساسنة بحبها فى الدنيا هى الى ربتنى ... وكنت اتمنى انها تكون موجوده فى حياتى لأخر العمر
الله يرحمها اكيد هى فى مكان احسن من هنا بكتير



والدى اتمنى ان هو يرجع ويعيش معانا ويبطل سفر ويعوض الى فاتو من تربيتى فى تربيت اخواتى الضغيرين
واولادى كمان لما ربنا يريد ويكون عندى اولاد

تهدى لمين التاج


اميرة الرومانسية

زمردة

فارس النوبة

كراكيب

صحفية روشة

نتيجة الاعدادى .. ورجوع للماضى

اولا كده وقبل اى كلام

سمعونى اغنية الناجح يرفع ايدو

والساقط نقطع ايدو هههههههههه

احساس غريب اوى عيشته النهارده
اول ما ظهرت نتيجة الشهاده الاعدادية
وطبعا بحكم ان انا عندى سيبر لازم اكون
متابع
اكل عيش بقا يا جماعة
المهم
طبعا زى العاده النت كان زى الزفت
ومفيش اى موقع راضى يفتح من كتر الزحمة
طبعا مصر كلها مورهاش حاجه غير النتيجة النهارده
بس الحمد لله بعد عناء شديد فتح معايا موقع مديرية التربية والتعليم
وده بفضل بنت عمى قوس قزح الى وشها حلو عليا دايما
مش عايز اقولكم الناس كانت على اعصابها ازاى
الكل قاعد مستنى نتيجة تعب السنة كلها
وبحكم ان المنطقة عندنا السيبرات فيها قليلة
فطبعا كان فى ناس كتير عندى
وانا بتفرج على منظر الناس
افتكرت ايام الاعدادى بتاعتى
وامى وهى مستنية النتيجة بفارغ الصبر وعنيها اللى كانت مليانة بالدموع المحبوسة
دموع مستنية تخرج فى اى لحظة
بس ياترى اللحظة هتكون حزن ام فرح
ماعلينا من الحكاوى دى
ظهرت النتيجة وبدأت اشوف شغلى
اول نتيجة والحمد لله مجموعها كان 252 طبعا مجموع كبير جدا
انما رد فعل ابو الواد كان غريب اوى قال ايه زعلان
ويقولى ازاى ده انا ابنى فى مدرسة لغات وبدفع دم قلبى
وانا طبعا كان هاين عليا اقوم اموته ، فعلا الانسان مش بيملى عينه غير التراب
المهم مشى هو وابنه اللهى يحرقهم بجاز
وتوالت النتايج نتيجة تلو الاخرى وناس تزغرط وناس تعيط وناس بتاخدها عادى
وانا بقا موصفلكومش منظرى قاعد وسط فيلم عربى وفيلم ابيض واسود
واحد ينجح ويجيب مجموع الاقيه بايسنى على اساس انى موزه بقا
والى يتنيل ويسقط يروح راميلى كلمتين زى الفل فاكر ان انا الى بصحح الورق
اغرب حاجه بقا حصلت
واحده بنت جبتلها النتيجة انما اية نتيجة زى العسل
البنت شايلة 3 مواد غير المجموع كمان 131 يعنى بايظة من كله
الغريب بقا رد فعل البنت وامها
البنت ايزى خالص وامها زيها وجملة واحده الى قالوها
بقولها معلش يا امى تتعوض
تقولى معلش على اية عادى تمتحن تانى وتدخل بفلوسها مدرسة ثانوى
اومال المدارس الخاصة بتعمل ايه
الجملة دى فكرتنى بواحد كده زمان طبعا انتو عارفين ده مين احم احم مش انا
افتكرت علطول نفسى فى ايام الاعدادى
قولت نفس الكلام مع ان امى كانت منهارة
بس انا كنت زى البنت دى واخدها ايزى جدا جدا جدا
وقولت كبيرى ثانوى خاص
وهو فعلا ده اللى حصل بعد المجموع الكبير اللى انا جيبته
المهم فى الحكاوى الى انا بحكيها من الصبح دى وواجع دماغكم بيها
الشعور الى انا حاسه و اول مره اجربه
كل نتيجة كنت بجيبها كنت ببقا على اعصابى فيها زى اهلهم
بس بجد ربنا يكون فى عون الاهالى بجد حرقة دم وتعب
والعيال عادى ولا حد حاطت فى دماغو حاجه
بجد حسيت باحساس غريب وجديد عليا
احساس بالندم ندمى على انى خيبت امل امى وضيعت تعبها معايا على الفاضى
ندمى على احلام كنت بحلمها وكانت ممكن تتحقق لو اجتهدت شوية فى دراستى
وندم وندم وندم على حاجات تانية كتير افتكرتها انهارده
افتكرتها وانا شايف وجوه اهالى الطلبة والاختلاف بين كل وجه والاخر
اختلاف من الحزن والفرح
فى ختام كلامى بقول لكل طالب نجح وفرح اهلو الف الف مليون مبروك
والى مش نجح بقولو انسى الى فات وركز فى الى جى وحاول تجتهد شوية
علشان ميجيش يوم وتلاقى نفسك ندمان على حاجه كانت فى ايدك

رســــالة الى حبيبتى ....

إليك اسطر أحرف الحب من دماء القلب ... حبيبتي... أنت التي فجرت في كل طاقات الابداع فاصبحت بك مبدع ومن أجلك أبدع حبيبتي... لقد حققت كل ما أصبو إليه فاجتزت الصعاب ووصلت إلى المستحيل وذلك بدافع حبك بعد توفيق الله انني لو سطرت لك أجمل الكلمات وأعذبها لم اوفيك حقك ، حبيبتي .. اني أحمل في قلبي تصور كل انسان ، فلو استجمع شاعر قريحته وكاتب الهامه لوصف حبي لابدوا عجزهم حبيبتي قد كنت اسمع قبل أن أحبك بأن الحب عذاب ولوعة وحرمان فكنت أخافه وبعد أن احببتك تمنيت لو يجمع عذاب المحبين ويصبح من نصيبي بشرط أن تكوني بجانبي حياتي أريد أن اصرخ في وجه علماء العالم هذا العالم كي يخترعوا لما أحمل في قلبي اسما ، لاني أرى كلمة أحبك قليلة في حقك وتعبر عن شئ قليل مما في قلبي فاسمحي لي بأن أخبرك بأني لا أحبك لاني أرى في تلك الكلمة إنقاصا لما أحمل لك من غرام وعشق فأنتى لي روحي وحياتي وأملي

صورة بدون عنوان .. صورة للحب والجمال